تبلیغات اینترنتیclose
دیوانین متنی - ديباچه
سید عظیم شیروانی در پژوهشهای دکترحسین محمدزاده صدیق
شرح افکار، احوال و آثار سید عظیم شیروانی بر اساس تحقیقات استاد دکتر حسین محمدزاده صدیق

 

مطالب مربوط به شناختنامه سید عظیم شیروانی به آدرس زیر انتقال یافته است لطفا بر روی آدرس زیر کلیک فرمایید:

http://seyedazim.blogfa.com

 شناختنامه سید عظیم شیروانی، نقاش: ناصر بخشی هنرمند تبریزی

پرتره سید عظیم شیروانی

نقاش: ناصر بخشی، هنرمند تبریزی

دانلود پرتره سید عظیم در اندازه بزرگ، اینجا کلیک کنید

موضوع : دیوانین متنی - ديباچه, | بازدید : 582

سپاس بي‌قياس او مؤسس اساس كارخانه‌ي نطق و بيانا كيم منطوقه‌ي علم البيان ايله، اؤز فيض بي‌منتها و نعمت عظمالارين شامل حال بني نوع انسان ائتميشدير. و درود و سپاس بي‌قياس و تحيّت بلااقتباس او مدبّر عالم امكانا كيم مصدوقه‌ي:

مِنَ الماءِ كُلّ شَيءٍ حَيّ.

احساني ايله جويبار تفضل افضاليندان اقوات قطرات معارف پرور املاء و انشاني شاخسار انامل انسانا يئتيشديرميشدير:

حكيم لم يزل كيم ائيله‌ييبدير نطق انساني،

رموزات نهان بسته بالين كشفينه گويا.

او سلطان ازل كيم مرحمتدن ائيله‌ييب احسان،

گروه نكته‌سنجه شؤق املاء، قوّه‌ي انشا.

 

صلوات و سلام ملك العلّام و برگزيده‌ي خاص و عام رسول انام و نبيّ ذوالعز و الاحترام كيم:

اَنا اَفصَحُ العَرَب و العَجَم.

سرودي ايله ميدان فصاحت و عرصه‌ي رسالتده سولجان سبقت و گوي مزيّت فصحاي عرب و عجم و بُلغاي تورك و دئيلمدن آلميشدير:

شهنشاه قِدَم كيم اولماسايدي خلقت ذاتي،

عدمدن عرصه‌ي ايجادا قويمازدي قدم اشيا.

طفيل ذات پاك اعظمي‌دير ماسوا يكسر،

چه عرش و فرش و چه لوح و قلم، چه آدم و حوّا.

 دوعا و ورد و ثنا اول صاحب ذوالفقار و تيغ هشت و چهار، مطلع نور جلي و منبع ظهور ازلي علي بن ابيطالب (ع) و اسدالله غالبه، كيم نطق گوهرباري خاتم الانبيا و شرف اصفياe عليهم علي في التحيّة و الثّنا اوصاف ذات حميده صفتلرينده:

اَنا و عَلي مِن نورٍ واحد.

ترانه‌سيله ترانه پرداز اولموشدور:

علي بن ابي‌طالب كي ذات پاك والاسين،

مقدّم ماسوادان خلق ائديبدير خالق يكتا.

دئسن‌مخلوقه‌دير مافوق‌نسبت‌آدي،‌يوخدورشك،

دئسن خلّاقه‌دير ماتحته نسبت، آري، آمنّا!

 

اما بعد، اقلّ الشّعرا، خادم الفصحا، حاج «سيّد عظيم بن سيّد محمد الشماخي الشيرواني»، ارباب حال و اصحاب كمال حضور سعادت دستورلارينا بو عجز و انكسار و بو مايه‌ي افتقار ايله عرض ائديركي هجرت نبوي‌نين مين ايكي يوز اللي بيرينجي (1251 هـ .) ايلينده تولّدوم شهرشاماخيدا واقع و نسب سيادت ايله شايع اولوب، اول خطّه‌ي پاك طربناكدا نشو و نما بولدوم، تا كي زمان رشد و بلوغ واوان ضوء و فروغه واصيل اولدوم:

فَلَمّا بلغ اشده و آتيناه حكما و علما.

مضمونو ايله دبستان كمالات و بوستان حالاتدا اكتساب علوم و رسوم صوري و معنوي ائديب و علاوه جلب مزايد و جذب فوايد ايچون اكثر اقطارا و امصار عراق عرب و مصر و حلب و اغلب ممالك اهواز و حجاز سئير و سياحتلر ائديب، عالي و صافي‌دن مطالب كثيره و مقارب وفيره‌لر حاصيل قيلديم.

چونكي قرآن شبابيمدا طبع برق شيتابيمي مايل اشعار آبدار و دل پر اضطرابيمي مايل زولف و روخسار خوبان گول‌عذار گؤردوم. سنّ شبابيم تقاضاسينجا آمال ما في الباليمي گاهي غزال غزل شيكاري ايله ابراز و گاهي صورت احوال پر اختلاليمي رسم قصايد توركي و فارسي طراز ايله پرداز ائتديم. اندك زاماندا اشعار گؤهربار و ابيات دُر نيثاريم آويزه‌ي گوش اهل هوش اولوب نشئه‌ي رحيق نظم آبدار خلّار اشتهاريمدان اهل ذؤقلر مست و مدهوش اولدولار.

آمما گردش سپهر كجمدار و دؤران كينه شعارين كي همواره ارباب ذؤق و اصحاب شؤقون خيلاف رضا و ضدّ تمنّاسينا دوران و سئيران ائدر، درّ يتيم اشعار بي پرستاريم خوبلار زولفو كيمي درهم و پريشان و مرغ ناطيقه خزان محنتده بو اشعار ايله ترنّم كنان و نغمه‌سرايان ايدي:

آه! كيم گون توتولوب ابرده پنهان قالدي،

گئتدي اول ماه تماميم، منه نقصان قالدي.
دهن يار عزيز اولدو نظردن غايب،

آه كيم سينه‌ده يوز نكته‌ي پنهان قالدي.
قيلدي تاراج خزان سرو و گول و ريحاني،

گولشن عالم آرا خار مغيلان قالدي.
قالدي يوز درد و بلا، گئتدي گروه حكما،

نه فلاطون نه ارسطو، نه‌ده لقمان قالدي.
چكمه‌دي چرخ ستمكار جفادان اليني،

جمله ارباب وفا بي سر و سامان قالدي.
مصر همّتدن عيان اولمادي بير يار عزيز،

دوشدو زيندانا نئجه يوسف كنعان قالدي.
خوبلار زولفو كيمي اولدو پريشان حاليم،

جمع ايكن شعرلريم، جمله پريشان قالدي.

 

تا بو ايام ملالت انجام بد فرجامدا تقاضاي شيب سر بناگوش مني لاعلاج و گوشه‌ي انزوايا محتاج ائتدي. عابيدفريب اولان بُت‌لارين خيال خم ابرولاري ايله گوشه‌ي محرابي تكيه‌گاه ائتديم و بو گوشه‌ده توشه‌ي مقصودا يئتديم:

ريادير زاهيدين گرچه نامازي،
ولاكين خلق ايچينده خوش ادادير.

 

اثناي عيبادت و اطاعتيمده گؤردوم كي زكريا(ع)  تك نهايت حرمدن صرصر توهين ايله چيراغِ مغزِ استخوانيم سؤنوب و غايت شئيبدن سر پر شورومدا مشكين تريم، كافورِ خُشكه دؤنوبدور:

ربِّ اِنّي وَهَنَ العَظيمُ وَ مِنّي.[1]

هوسيله سوموكلريم بوشاليب:

وَ كانَتِ امْرَاَتي عاقِرًا.[2]

ايماسي ايله عشاء طبعيم انشاء شعردن عاقر اولوبلار:

و اِنّي خِفتُ المَوالِيَ مِن وَّرايي.[3]

اشاره‌سي ايله اؤز ابناي جينسيمدن هراسان اولدوم كي، مندن سونرا قانون اشعار آبداريمي پايمال ائده‌لر. لب نياز يوز مين سوز و گداز ايله درگاه كارساز بنده نوازا آچيب، نيازمند اولدوم كيم:

فَهَب لي مِن لَّدُنكَ وَليّاً يَرثُني و يَرِثُ مِن آلِ يعقوب.[4]

كي ناگاه فرشته‌ي بشارت ربّ العزّه آسيمان عقل عليادان نازل اولدو كيم، اي زكريا محراب فصاحت و پئيغمبر اقليم بلاغت:

اِنّا نُبَشِّرُكَ بِغُلامٍ اِسمُهُ يَحيي لَم نَجعَل لَّهُ مِن قَبلُ سَميّاً.[5]

بشارت اولسون كي، بيز سنين نام همايونوو ابدالدّهر اؤز نامي‌نين مسمّاسي كيمي زينده قيلاجاقدير و بو فرزند دلبند، ساير اقران و امثالدان سرافراز و سربلند اولاجاقدير. فلهذا بو بنده‌ي قليل البضاعت و بو شرمنده‌ي كم استطاعت كي بو تاريخده سال عؤمروم پنجاه و پنجه واصيل اولموشدور و آوازه‌ي اشعاريم ايله اقطار عالم دولموشدور و بو فرزندان توركي نژاد و فارسي اتحاد كيمي، هر بيري بير مناسبت ايله وجده گليب بنات النّعش تك پراكنده اولموشكن، پروين ميثال جمع ائديب، شمع شبستان اهل ذؤق و شؤق ائتديم و اؤزوم گئتديم. رحمت حق اول خوش اعتقاد و نيكو نهادا كيم، بو حقير صاحيب تقصيري بير خئير دوعا ايله ياد و شاد ائده‌لر.

والسّلام علي من اتّبع الهدي.

مين اوچيوز ايكي ايدي هيجرتدن،

كي بو مجموعه ميز تمام اولدو.
ائيله‌ديم آديني «كيتاب خواص»،

چونكي مقبول خاص و عام اولدو.

  


[1] مريم/ 4.

[2] همان/ 5.

[3]  همان/ 5.

[4] همان/ 6.

[5] همان/ 7.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید عظیم شیروانی از دیدگاه دکتر حسین محمدزاده صدیق, شناختنامه سید عظیم شیروانی بر اساس پژوهشهای دکتر حسین محمدزاده صدیق,سید عظیم شیروانی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید عظیم شیروانی,تحقیقات دکتر حسین محمدزاده صدیق درباره سید عظیم شیروانی, سید عظیم شیروانی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره سید عظیم شیروانی,
ارسال در تاريخ جمعه 7 مهر 1391 توسط دکترصدیق. ارسال: سید احسان شکرخدایی