تبلیغات اینترنتیclose
اردبیل علمی سفری
سید عظیم شیروانی در پژوهشهای دکترحسین محمدزاده صدیق
شرح افکار، احوال و آثار سید عظیم شیروانی بر اساس تحقیقات استاد دکتر حسین محمدزاده صدیق

 

مطالب مربوط به شناختنامه سید عظیم شیروانی به آدرس زیر انتقال یافته است لطفا بر روی آدرس زیر کلیک فرمایید:

http://seyedazim.blogfa.com

 شناختنامه سید عظیم شیروانی، نقاش: ناصر بخشی هنرمند تبریزی

پرتره سید عظیم شیروانی

نقاش: ناصر بخشی، هنرمند تبریزی

دانلود پرتره سید عظیم در اندازه بزرگ، اینجا کلیک کنید

موضوع : اردبيل علمي سفري, | بازدید : 552

سيّد عظيم، اردبيلين علمي- ادبي محيطي ايله تانيش اولماق ايچون 1282 هـ . ايلينده اورايا سفر ائتميشدير. بو سفرده بير چوخ شاعير و اديبلر ايله گؤروشموش و بو گؤروشلرين حاصيليني، اؤز تذكره‌سينده قئيد ائتميشدير. او، اؤزونون اردبيل سياحتي حاققيندا دئيير:

«حقير،‌ تاريخ هيجرت 1282- ده سياحت عزمي ايله اردبيله وارد اولوب، جوياي شعرا اولدوقدا، جومله‌سيندن نيشان وئرديلر . . . »[1]

همين تذكره‌نين اردبيل بؤلومونده: شاه اسماعيل ختايي، نصرت اردبيلي، ملا باباشاهي، محمد بزاز اردبيلي، زين العابدين فكري، حسن ذكري، اسد شمس، محمد باقر گنجي، عبدالرحمان غائب، عيسي صراف، محمد شفيع ناظيم و سائره‌دن آد آپارير و اونلارين حاققيندا يازي يازيب، شعرلريندن نمونه‌لر گتيرير. سيّد عظيمين اردبيل ايله باغليليغي و اؤز چاغيندا بورانين شاعيرلري ايله علاقه‌ده اولماسيني گؤسترمك ايچون، همين بؤلومون خلاصه‌سيني آشاغيدا تقديم ائديريك:

1. اردبيل سيّد عظيم ديليجه:

«اردبيل، كيسخرو بن سياووشون بينالارينداندير. كوه ساوالانين 4 فرسنگليگينده واقعدير و اقليم پنجمه داخيلدير. و يوز پاره قريه‌دير، تماما سردسير، هاواسي غايتده سرتدير، سويو گوارادير هاضم. بو سببدن او شهرين اهلي چوخ اكولدورلار. هاواسي سببي ايله ساير فواكه نايابدير. چوخ لطيف گيلاسي اولور. قلعه‌ي مشهور رويين دز همان داغدا اولوبدور كي فريبرز ايله كيخسروون امر سلطنتينده معارضه‌لري همان قلعه‌نين فتحينه قرار اولموشدو. اول فريبرز،‌طوس ايله گئديب مأيوس قاييتدي. اوندان سونرا كيخسرو، گودرز ايله گئديب همان قلعه‌ني تسخير ائديبلر. و همان وقتده دارالارشاد اردبيلين طرحيني تؤكوبلر.

دؤلت صفويه زامانيندا چوخ معمور ايدي. الان يمن دؤلت قاجاريه‌دن، يئنه معموريتي زياده اولماقدادير. و مزار كثيرالانور جناب قطب الاولياء شيخ صفي الدين اسحاق اردبيلي اول شه‌هرده دير. و جناب لطفعلي بيگ بن آقاخان آذر بيگديلي اؤز آتشكده‌سينده اول شه‌هردن اولان شاعيرلري بو قرار ايله ذكر ائتميشدير: جامي، راغيب، محوي، ميرزا حاتم بيگ و شاه ختايي‌دير.»

 

2. شاه ختايي

«شاه ختايي‌نين اسم شريفلري جناب خاقان كبير اسماعيل صفويدير. سلسله‌ي نسبي آتا طرفيندن بئش واسيطه ايله حضرت قطب العارفين شيخ صفي الدين اسحاق اردبيلي‌يه يئتيشير كيم، او بزرگوارين‌دا نسبي اون آلتي پشت‌دان امام هفتم سيّد الابرار موساي كاظم - عليه السلام- ـه يئتيشير. نسبت والده‌سي حسن بيگ توركمانا يئتيشير كي اولوس توركمانين اعاظيملريندندير. مماليك ايرانين بعضي يئرلرينه پادشاه اولوبدور، و تاريخين 970- نجي سنه‌سينده 25 سنّينده اراده‌ي جهانگشاليق ائديب اكثر ولايت آذربايجان و دارالمرز خوراسان و عراق عرب و عجم و فارسي، گردنكش اولان سولطانلارين تصرّفوندن چيخاريبدير. آفتاب عؤمرو 975- نجي سنه‌ده، عقده‌ي كسوف اجلده منكسف اولوبدور. توركياً و فارسياً شعر دئميشدير . . . و بو بير نئچه شعر توركي، جناب خاقان اعظم شاه اسماعيل ختايي تخلّصون كلاملارينداندير كي زينت تذكره ايچون او بزرگواردان تبركاً ثبت اولوندو:

غزل

اي مسلمانلار اسير زولف يارام دوغروسو،

بو سيه‌كارين الينده بي‌قرارام دوغروسو!

دئرديم اول دلبر يانيندا اعتباريم وار منيم،

يوخلاديم، ائتديم يقين، بي‌اعتبارام دوغروسو.

بير قورو جاندان نولور قوربان ائدم جانانيما؟

اول پري روخساردان چوخ شرمسارام دوغروسو.

شاه ختايي گشته چيخدي، آچدي حرّون قبريني،

بار الهي عفو قيل كيم، تؤبه‌كارام دوغروسو.

 

روباعي:

تا باده‌ي خوشگوار وار، اي ساقي!

بير دم مني قويما هوشيار، اي ساقي.

بير دؤر ائله كيم، بو دؤرو دؤنموش دؤران،

نه باده قويار، نه باده‌خوار، اي ساقي!»

 

3. نصرتعلي شاه

«قطب العارفين و كهف المساكين و الفقرا مولانا نصرتعلي شاه اردبيلي مشاهير عرفاد اندير و اعاظم وزرادان. تولد شريفلري 1225- نجي سنه‌ده دارالارشاد اردبيلده واقع اولوب، محمد شاه جنت مكان او بزرگوارا كاميل ارادت يئتيريب و صفاي باطينلريني ادراك ائتديكده، جناب نصرتعلي شاهي اؤزلرينه وزير اعظم قرارداد ائتميشدير. و او بزرگوارين اوصاف كمالي اوندان زياده‌دير كي، قلم شيكسته زبان، تحريرينه قادر اولا بيلسين. و كتاب مثنوي‌سي، دارالارشاد اردبيلده اولدوغوم زامانلار نظر حقيره يئتدي. گومانيم بودور كي، نه ملاي رومي و نه ملا احمد نراقي اول مطاليبده عالي مضمون و شيرين كلام دئمه‌ميشدير. صد حئيف كي او جنابين عؤمرلري وفا ائتمه‌ييب، همان كيتاب ناتمام قالميشدير.

و ملا نباتي اوشتوبونلو و عاجيز خلخالي و فيكري اردبيلي كي بوندان سونرا ذكر اولاجاقدير، او بزرگوارين شاگيردلريندندير.

و تاريخ هيجري‌نين 1267- نجي سنه‌سينده دارالسّلطنه‌ي تهراندا وفات ائديبدير. و بو غزل توركي او بزرگوارداندير كي، اؤز شاگيردي عاجيرين غزلي‌نين موقابلينده ايراداً و تنبيهاً بويورموشلار، تبرّكاً ثبت اولوندو:

شوكر لله! كي كؤنول اولدو تجلّي دليسي،

يئنه أوز قويدو بيابانا بو ليلا دليسي.

غل و قلّاده و زنجيره مگر بند اولور،

بير كؤنول كيم اولا بير زولف چليپا دليسي.

يا مگر نرگس بستانا سالير طرف نظر،

بير كؤنول كيم اولا بير گؤزلري شهلا دليسي؟

عشقين آدابيني فرهاد ايله مجنون نه بيلير،

بيريسي داغ آيي‌سيدير، بيري صحرا دليسي!

داغ ايله باغ، گؤزوم! عاشيق ايچون يكساندير،

هره بير يانا گئدير واحد و يكتا دليسي.

عاغلا گل، واعظ و زاهيد سؤزونه توتماقولاق،

بيري دونيا دليسي دير بيري عقبا دليسي.

 عاجز آثار ره عشقه قدم باسمادي، حيف!

بو سؤزو خبط خيال ائتدي او سئودا دليسي.»

 

4. شاهي اردبيلي

«اسم شريفلري ملابابا دير و شهر اردبيلين تاجيرزاده‌لريندندير. الحق كي منيم تصوّرومه گؤره، رسم غزلده،‌غزلسرا شاعيرلرين شاهيدير و قصيده‌ گولارين قيبله‌گاهي.

تولّدو 1227، وفاتلاري 1269- نجو سنه‌ده دارالارشاد اردبيلده واقع اولوب. ميرزا خليفه عاجيز خلخالي ايله معاصيردير. زمان دؤلت فتحعليشاهدا و محمد شاهدا اولوبدور. و بو غزل توركي جناب شاهي دندير كي،‌ ثبت اولدو:

اي زولف! بوينو كج دولانيرسان،‌ گدايسان؟

آشوفته اولماغين نه، هم آغوش آيسان.

طرّارسان، ديل اوغروسو، آرام رهزه‌ني،

دل آهنين اولا اگر، آهن‌روبايسان! . . .»

 

5. قُمري اردبيلي

«محمد حسن بن شير علي اردبيلي، تولدلري 1230- نجو سنه‌ده اولوبدور. جناب فيكري‌نين شاگيردلريندندير. قوّه‌ي طبعيندن حسن روخساري زياده‌دير. بو نئچه بيت آبدار زاده‌ي طبع مشحونلارينداندير كي، ثبت اولوندو:

بو گئجه خاطيريم پريشاندير،

زولف جانان مگر نوماياندير!

الله! الله! بو مجليس عيشرت،

رشك نزهت‌سراي رضواندير.

مجليس عيش غئيردن خالي،

بير من خسته،‌ بيرده جاناندير.»

 

6 . ناصر اردبيلي

«كربلايي محمد بزاز اردبيلي، تولّدو 1231- نجي سنه‌ده دارالارشاد اردبيلده واقع اولوبدور. الان حكيم‌ليك ائدير . . . بو نئچه بئيت اونداندير كي، ثبت اولوندو:

اي كؤنول! گشت ائله، بير سرو خورامان اله سال،

سئير گولزار ائله، بير قونچه‌ي خندان اله سال!

توتما،‌اي زاهيد كج‌بين! بو قده‌ر تسبيحي،

ائله زونّاره هوه‌س، زولف پريشان اله‌سال.

اولما مغرور ريايي اولونان طاعتيوه،

باش اگيب اول خم ابرويا، بير ايمان اله‌سال.

پند وئرمه منه ناصح، سني تانري، يئري گئت،

بيرجه تك من دئيه‌ليم، اؤزگه مسلمان اله سال.»

 

7.  فيكري اردبيلي

«كربلايي زين العابدين اردبيلي الاصل، تولدو 1230 سنه‌ده، بير پيردير معشوقه‌باز و بير رينددير اهل راز. نئچه كيتاب مدح و منقبت مولاي متقيان اميرالمؤمنينده ترتيب ائتميشدير. ولاكين اوتوز بئش سنّينده گؤزلري كور اولوب، الان اردبيلده درويش دلريشدير . . .

و بو بير نئچه بئيت فيكري اردبيلي‌نين كلاملارينداندير كي، ثبت اولوندو:

تؤكولموش هر طرفده زولف عنبر فامي رو توتموش،

تعالي الله نه‌سان مو آتش سوزانه خو توتموش!

گذرگاهيندا اي دلبر! منيم اشك ايله موژگانيم،

هزاران شؤوق و ذؤوق ايله خيال روفت و رو توتموش.

گؤتورمز داميندن ال اؤلونجه فيكريِ محزون،

جمالين عاشيقي اولموش، تمنّاي نكو توتموش.»

 

8.  ذكري اردبيلي

«كربلاي حسن بن ابراهيم اردبيلي الاصل، تولد شريفلري 1240 سنه‌ده دارالارشاد اردبيلده واقع اولور. ابتدا قواعد نظمي ملا فيكري‌دن تحصيل ائتميشدير.

سنه‌ي 1277- ده دراويش خاكسارلار ايله عازم كربلاي معلا اولوب، همان سنه‌ده نجف الاشرفده وفات ائديبدير.

ديوان شعري پراكنده قالميشدير. بو بير نئچه غزل او بزرگواردندير كي اردبيلده جويا اولدوغوم زامان، جناب فيكري‌دن حاصيل اولوب، بو تذكره‌يه ثبت اولوندو:

طبيبا! عشق دردين دفع ائدنمزسن مزاجيمدان،

مني بو درد بيللم اؤلدوره‌ر، ال چك علاجيمدان.

 

علاج درديمه جانان لبيندن احتياجيم وار،

علاجيم حاصيل ائيله، اي معاليج! احتياجيمدان.

كؤنول گوزگوسونه خاكستر فقريم جيلا وئرميش،

غنا ژنگين قناعت صيقلي سيلدي جماليندان،

فقيرم، گرچه قدريم يوخ، ولاكين عشق فئيضيندن،

شرافت كسب ائده‌ر تاج كيان پشمينه تاجيمدان.

تنور صوبحدن پنجه‌كش خورشيده مئيل ائتمز،

يئسه بير نان جو، هر كيم منيم بو قارا ساجيمدان.

مقرر روزونو روزي رسان واردير، وئره‌ر ذكري!

دنيلر منّتيني چكمه‌رم گر اؤلسم آجيمدان.»

 

9. شمس اردبيلي

«اسم شريفلري اسددير. بير جواندير عطار و غايتده ديندار. صراف ايله دوستلوقلاري درجه‌ي كمالدادير و درويشليگه مئيللري زياده‌دير.

تولد شريفلري 1240- نجي سنه‌ده دارالارشاد اردبيلده واقع اولوبدور. اكثر كلامي عارفانه‌دير. شمس تبريزي و شيخ عطار رسمي ايله دئميشدير. بو غزل توركي او جنابداندير كي، بو تذكره‌يه ثبت اولوندو:

بو محبت بازليقدان بير پريشان اول، كؤنول!

كوفر دئرلر، ائل گؤزونه بير مسلمان اول كؤنول.

بوت‌پرست‌ليك تركين ائت، خال و خطه قيلما هوه‌س،

سن‌ده بو مخلوق تك بير اهل ايمان اول، كؤنول!

اؤزلوگوندن كئچ فنا شهرينه بير دم منزيل ائت،

جنّ و انسانا بو تدبير ايله سولطان اول، كؤنول!

لاف اوروب، دئرديز كي سنسيز ائتمه‌ريز ديرليك هوه‌س،

گئتمه‌لي اولدوم من ايندي، يان، جيگر قان اول، كؤنول!

آشينا اولدو كراماً كاتبينله شمس‌دن،

هر نه بيلسن ائيله، قورخما، شير غرّان اول، كؤنول!»

 

10. گنجي اردبيلي

محمد باقر بن كاظيم اردبيلي بير جاواندير بزاز، رسم غزلده صاحيب اعجاز. تولّدو 1240- نجي سنه‌ده دارالارشاد اردبيلده واقع اولوبدور. بو بير نئچه غزل، زاده‌ي طبع بلاغت مشحونلارينداندير كي ثبت اولوندو:

عشق مئيدانين گزيرسن، اي كؤنول! تحسين سنه،

كيم اولوب جولانگه اول اعلاي عليين سنه.

كئچ جاهان مولكوندن، اول مولك قناعت سروري،

بسدي بير تاج نمد، بير خيرقه‌ي پشمين سنه.

عافيت رختين اونوت، ويرانه‌لر كونجون گؤزه‌ت،

بورياسين بستر ائت، زانوي غم بالين سنه.

اول پلاس فقره قانع، منكر دونياپرست،

قوي حقارت چشمي ايلن، باخسين اول كج‌بين سنه،

چوخ جاهان مولكونو تسخير ائيله‌دين،‌ اي شه! قدين.

رؤيت نصرتدي، پرچيم كاكل مشكين سنه.

گنجيا! تسبيح و تهليل و تكبر تركين ائت،

گؤسترير جام مئيِ رنگين ريا رنگين سنه.»

 

11.  غائب اردبيلي

«عبد الرحمان بن محمد اردبيلي، تولّدو 1240- نجي سنه‌ده دارالارشاد اردبيلده واقع اولوبدور. بير جاواندير مؤدّب و بير رفيقدير خوش مشرب. جناب فيكري‌نين شاگيردلريندندير. بو نئچه بئيت او جنابين زاده‌ي طبعي‌دير:

بلادان حيفظ‌ قيل عشق اهلي‌نين دلداريني، يارب!

شوكوفته ائيله گون- گوندن گول روخساريني، يارب!

خزان تفرقه سالسا باهار وصله هر كيمسه،

مبدل قيل خزانا سن اونون گولزاريني، يارب!

أوزونده زولف مشكين رشته‌ي جاندير، نولار حاليم،

داغيتسا گر صبا گول أوزره زولفو تاريني،‌يارب!

ايچيب غم ساغريني، ياردان غائيب جُدا دوشدو،

منيم تك ائتمه درهم هيچ عاشيق كاريني،‌ يارب!»

 

12. صرّاف اردبيلي

«صرّاف بير جاواندير عيسي نام و مسيح كلام، فرزند ارجمند حاجي عبدالرحيم اردبيليدير. تولدو 1241- نجي سنه‌ده دارالارشاد اردبيلده واقع اولوبدور. و اول صفحاتدا نشو و نومايا يئتميشدير. الان اردبيلده عطارليقلا مشهوردور. و بو نئچه غزل اونداندير كي ثبت اولوندو.

اولدو اول ماهدان اؤترو هامي بدخواه بيزه،

هامي بدخواهدان اولدو بتر اول ماه بيزه!

صؤحبت اهل زمانه گتيريب جانا بيزي،

بينواييق، كؤمك ائتسين اؤزو الله بيزه.

تانري شاهيددير اگر طاليب عزّ و حشم ايك،

بوريا فرشيدي اورنگ شهنشاه بيزه.

اول كؤنول! منزل مقصودا يئتيشمك مؤشكول،

اولماسا پير موغان شفقتي همراه بيزه.

جومله عالم، نه غم اولسون بيزه دوشمن، صرّاف!

بسدي مولاميز عليّ ولي الله بيزه.»

 

13. ناظيم اردبيلي

«ملا محمد شفيع، ولد ملا الله وئردي اردبيلي، تخلّصو 1241- نجي سنه‌ده دارالارشاد اردبيلده واقع اولوب، الان اردبيلده مكتبداردير. ملا فيكري‌نين شاگيردلريندندير.

و بو نئچه بئيت اونداندير كي ثبت اولوندو:

گؤزلريمه گؤرونور يار قاشي ميثل هيلال،

ماشاء الله نه گؤزل حق ياراديب حوسنِ جمال!

 

دئديم: اي شمع! أوزون گؤرمك ايله بيرجه نظر،

يانديريب آتش هيجرين مني پروانه‌ميسن؟»

 


[1] تذكره، ص 217.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : سید عظیم شیروانی از دیدگاه دکتر حسین محمدزاده صدیق, شناختنامه سید عظیم شیروانی بر اساس پژوهشهای دکتر حسین محمدزاده صدیق,سید عظیم شیروانی به روایت دکتر محمدزاده صدیق, پژوهشهای دکتر حسین محمدزاده صدیق پیرامون سید عظیم شیروانی,تحقیقات دکتر حسین محمدزاده صدیق درباره سید عظیم شیروانی, سید عظیم شیروانی به روایت دکتر حسین محمدزاده صدیق,پژوهشهای دکتر حسین محمدزاده صدیق درباره سید عظیم شیروانی,
ارسال در تاريخ جمعه 7 مهر 1391 توسط دکترصدیق. ارسال: سید احسان شکرخدایی